Ambasadori rus në Ankara eshte plagosur rëndë në një sulm me armë në kryeqytetin turk. Ngjarja ka ndodhur kete të hënë dhe mediat shkruajne se ambasadori eshte dërguar në spital ne gjendje serioze per jeten, raporton NTV. “RT” shkruan se ka qenë një person i armatosur i cili ka sulmuar ndërtesën ku zyrtari rus ishte duke marrë pjesë në një ekspozitë fotografike organizua nga shteti i tij. Këtë e ka konfirmuar edhe ministria e Jashtme ruse e cila shkruan: Ambasadori, Andrey Karlov, u plagos pasi ishte gati për të dhënë një fjalim në çeljen e ekspozitës “Rusia në sytë e turqve”, shkruan “Panorama”. Agjencia e lajmeve TASS, duke cituar dëshmitarë okularë, raporton se ka pasur disa të shtëna, teksa ai që drejtonte ekspozitën bërtiti “Dilni jashtë!”. Transmetuesi turk “NTV’ thotë se edhe tre persona të tjerë janë plagosur në atentatin ndaj ambasadorit.
Atentat me armë zjarri ambasadorit rus në Ankara, plagoset rëndë
