Fotografja rumune Mihaela Noroc e la punën e saj para dy vjetësh për të filluar një jetë të re. Me një çantë shpine dhe një aparat ajo i ra përqark botës për të vënë në fokus të saj mijëra foto të grave nëpër botë. Ky projekt është titulluar “Atlasi i Bukurisë”, i cili deri tani ka përfshirë punën në 37 vende. Mihaela thotë: “Sot jam e bindur se bukuria është kudo, dhe kjo nuk ka të bëjë me të bërit tualet apo të veshurit e rrobave të bukura . Bukuri do të thotë të jesh vetvetja”. Duke parë disa nga fotot e saj, ju mund të shikoni qartë se ajo çka thotë është e drejtë.
