Dita e 8 marsit ka sjellë një sërë urimesh nga personazhet e njohur për më të dashurit e tyre, ndërsa disa prej tyre kanë zgjedhur të protestojnë për zërin e femrës në shoqëri.
Atletja e njohur, Klodiana Shala ka vendosur që ditën e sotme t’i bashkohet nismës së organizuar në qytetin e Rrëshenit për të protestuar nën moton: “Gruaja lindi nga zemra. Duaje, mbroje, mos e dhuno”.
Kjo nismë ka ardhur si thirrje për ta bërë 8 marsin një ditë reflektimi dhe lutjeje për gratë e dhunuara dhe ato që kanë humbur jetën.
Duke marshuar nga Katedralja e Rrëshenit deri në sheshin Abat Doçi me qirinj në dorë, në orën 17:00 gjithë shoqëria ka dhënë një mesazh shumë të rëndësishëm në një ditë si e sotmja.
Kujtojmë se Klodiana Shala është bërë gjithmonë pjesë e nismave të rëndësishme në kuadër të shoqërisë shqiptare./revistawho.com
