“Aty gjejmë veten”, Shkurte Gashi tregon çfarë ndjeu ajo dhe Bruno kur e dëgjuan këngën për herë të parë

Bashkëpunimi i fundit mes dy artistëve Shkurte Gashi dhe pjesëtarit të produksionit “ThreeDots”, Bruno, rezultoi te ishte tepër i suksesshëm. Kënga e titulluar “Jetën tënde” bën fjalë për një histori dashurie në të cilën një vajzë martohet me dikë që nuk e do kur në realitet dashuron dikë tjetër. Në një intervistë për “Prive”, Shkurte Gashi ka treguar se si ajo dhe Bruno janë prekur shumë kur kanë dëgjuar këngën për herë të parë. “Kur kemi dëgjuar këngën për herë të parë, unë dhe Bruno u prekëm shumë. Ishte një këngë e ndjerë. Është një histori dashurie që na përfshin të gjithëve, si meshkuj dhe femra. Aty gjejmë veten”, tregoi këngëtarja. Bashkëpunimi u prit shumë mirë nga publiku dhe në vetëm pak ditë numëron 4 mijë klikime.\