Aurela Gaçe ka treguar gjithmonë se ka një lidhje shumë të fortë me motrën e saj më të vogël, Blertën. Pavarësisht se jetojnë larg nga njëra-tjetra ato e gjejnë mënyrën për t’u bashkuar, qoftë me një fjalë apo duke shprehur gjithë dashurinë. Edhe ditën e sotme në ditëlindjen e Blertës, Aurela nuk ka nguruar të tregojë se sa e shtrenjtë është motra në jetën e saj. Kilometrat nuk mund t’i ndjanë, përkundrazi e bëjnë akoma më të fortë lidhjen e dy motrave.
“E falenderoj Zotin që të solli në jetën time si dhuratë shumë të çmuar… Nuk doja të bëja hartime këtu në rrjetet sociale, por sot ti ke ditëlindjen e je kaq larg me kilometra e motra s’të përqafon dot . Por dua ta dinë të gjithë se ndihem me fat që kam një motër si ty. Gëzuar motra ime, pusha ime (Dikur mendoja se ishe edhe bebja ime, sepse ashtu sillesha me ty, sikur isha mami, duke të mbrojtur edhe kur s’ishte nevoja). Sot ti s’ke më nevojë për mbrojtje, sepse u rrite e punon shumë për të arritur qëllimet e tua… e mua, paçka se s’ta them shpesh , më bëhet zemra mal. Me bën të ndjej krenari. Edhe pse je larg, dashuria ime vjen atje ku je ti me energji, jo se jam magjistare, por kështu janë motrat për njëra- tjetrën …gjithmonë aty, shpirtërisht. Edhe 100 Blerta ime”, – ka shkruar Aurela bashkangjitur fotografisë me motrën. /revistawho.com
