Përveç se është një nga këngëtaret më të dashura për shqiptarët, Aurela Gaçe njihet edhe për fizikun e saj gjithmonë në formë dhe energjinë që e karakterizon. Sot këngëtarja feston plot 45 vite jetë dhe këtë e ka zbuluar me anë të një postimi në “Instagram”. Teksa ka treguar moshën, Aurela ka dhënë dhe një mesazh të rëndësishëm. Ajo është shprehur se këto 45 vite i ka kaluar duke luftuar për më të mirën tek vetja. “Keshtu, e djersitur, pa masken e perfituar nga grimi, duke luftuar per me te miren, per te realizuar veten , per te ndertuar gjithçka jam, me rrëzime e ngritje, …..keshtu i kalova keto 45 vjet….e tani, pa i hequr “dorezat” nga duart, uroj te jem sa me gjate prane familjes time te shtrenjte.
Ky eshte i vetmi urim qe i bej vetes,….te jem ketu, te shoh femijet te rriten, të jem me vajzat ne hapat e veshtire e te bukur te jetes.
Te jem prane femijeve te mi, ashtu sic prinderit e mi ishin e jane me mua “, ka shkruar ajo, duke i dedikuar vetes fjalët më motivuese. Na mbetet vetëm t’i urojmë Aurelës shumë vite të tjera, që ta shohim në skenë gjithmonë me po të njëjtën energji.
https://www.instagram.com/p/B3rS-gXgFcx/?utm_source=ig_embed
