Dy ditë më parë, këngëtarja e dashur për publikun shqiptar, Aurela Gaçe mbajti një koncert recital në amfiteatrin e Tiranës. Artistja dhuroi emocione shumë të veçanta për të gjithë të pranishmit në amfiteatër të cilët nuk reshtnin së duartrokituri, duke shprehur kështu vlerësimin e tyre për Gaçen.
Përveç falënderimeve për publikun, mbrëmjen e sotme Aurela ka zgjedhur të falenderojë stafin me të cilin arriti të realizojë këtë koncert. “Më lejoni t’iu njoh me krahët e mi të fortë, me këta djem e goca që më rrethojnë, jo vetëm në skenë. Ky koncert nuk pati asnjë drejtues ose orkestrues, nuk pati dirigjent. Vetë aty me njëri-tjetrin, secili nga ne ka punuar me shumë përkushtim, me një format të vogël muzikor, pa zhurmë, përditë me prova e shumë përgjegjësi. Ne tani jemi bërë një trup, një skuadër, një ekip ku ndjejmë edhe frymëmarrjen e njëri-tjetrit. Mbulojmë gabimet e njëri-tjetrit pa u vënë re, i japim forcë njëri-tjetrit për më të mirën. Ju dua shumë e faleminderit që duroni ankthin tim para çdo daljeje, faleminderit që punoni sup më sup me mua. Familja ime, në një ekip secili ka rolin e vetë të rëndësishëm për të pasur ‘golin’ e dëshiruar. Nëse njëri nga ne nuk pason ‘topin’, loja nuk është më e njëjtë. Prandaj jam mirënjohëse për punën e secilit nga ju”, ka shkruar Aurela krah videos ku shfaqet së bashku me të gjithë orkestruesit.
Ndërsa ditën e djeshme me një postim të dedikuar në rrjetet sociale, Gaçe zgjodhi të shprehë mirënjohjen e veçantë ndaj të gjithë publikut dhe fansave besnikë të cilët e kanë duartrokitur sa herë ajo ka dalë në skenë./revistawho.com
https://www.instagram.com/p/B2pAAT7AU7B/
