Këngëtarja e madhe Aurela Gaçe asnjëherë nuk harron të jetë mirënjohëse dhe të falenderojë personat që e kanë mbështetur gjatë sukseseve që ajo ka përjetuar. Bashkëpunëtori i saj i hershëm është kompozitori I njohur Adrian Hila, të cilit artistja i ka dedikuar disa fjalë shumë të ndjera dhe e cilëson marrëdhënien e tyre, si një marrëdhënie të ndërtuar mbi respektin reciprok “Njeriu më i rëndësishëm në karrierën time. Sigurisht kam shumë e shumë autorë që kanë dhënë shumë nga shpirti i tyre në shumë këngë të cilat i kam kënduar ndër vite e sigurisht kam dashuri e mirënjohje për secilin, po bashke kemi që në 1995 që udhëtojmë me këngën NATA, e akoma vazhdojmë udhëtimin tonë . Që një bashkëpunim të zgjasë kaq shumë, në rradhë të parë është respekti reciprok. Ai dëgjon shumë, është i hapur të ndryshojë diçka nëse unë nuk ndihem mirë në melodi, njeh timbrin e zërit tim…e mbi të gjitha melodia i rrjedh nga shpirti….e është shumë i hapur të provojë rryma që askush se pret. Guxon. Edhe guximtarët ia dalin. ADRIAN HILA (Dy muaj më parë në studio)”-shkruan Gaçe në profilin e saj në ‘Instagram’.
