Aurela Gaçe ka publikuar një fotografi, përmes së cilës tregon herën e saj të parë në skenë, para 22-vjetësh.
Këngëtarja që njihet për energjinë kë e karakterizon, është shumë aktive në rrjete sociale dhe hera herës postimet e saj përmbajnë nota humori.
E teksa kujton me nostalgji, këngëtarja ka shtuar se për herë të parë në skenë ka perfomuar me një kostum të marrë borxh, por që për shkak të një transformimi që Aurela i bëri, e zonja nuk e njohu veshjen e saj.
“Hera e parë në skenën e festivalit të madh 1993 (22-vjet më parë) me kostumin e marrë borxh. E zonja e kostumit nuk e njohu mallin e vete në TV, sepse fundin ma dha të gjatë deri në fund të këmbëve. E mblodha tek beli e bëra kulaç deri sa u shkurtua”, shkruan bashkangjitur fotografisë së postuar artistja, të cilin e ka shoqëruar me ikona buzëqeshje.
