Muaji që sapo lamë pas, çdo vit i dedikohet fushatave ndërgjegjësuese kundër kancerit të gjirit. Ky lloj kanceri në të shumtën e rasteve prek femrat dhe vitet e fundit është kthyer në një problem shqetësues në mbarë botën. Megjithatë kanceri i gjirit mund të parandalohet në kohë me një ekzaminim të thjeshtë. Shumë personazhe të njohur kanë mbështetur këto fushata kundër kancerit të gjirit për të ndërgjegjësuar akoma dhe më shumë shoqërinë. Një ndër to është edhe Aurela Gaçe, e cila me anë të një shkrimi ka treguar se si të gjitha femrat ndjen frikë kur shkon për një eko gjiri, por sipas saj më e mira është t’i themi frikës ‘STOP’ dhe të parandalojmë çdo problem.
“Sa herë vij për eko gjiri, është gjithmonë një frikë që më shoqëron. E bëj sepse duhet ta bëj, sidomos tani që kam një detyrë më të rëndësishme, të rris fëmijët që solla në jetë. E shtyj për disa javë, por mendjen e kam aty. Të paktën për 1 vit, tani mendja ime u çlirua nga mendimet që kaplojnë çdo grua. E dua veten por mbi të gjitha tani dua aq shumë të shoh vajzat e mia të rriten e unë të jem pranë tyre. Prandaj kontrollet e shëndetit i bëj rregullisht. Është më mirë ta luftojmë diçka nëse është aty, sesa të kemi frikë të dëgjojmë të vërtetën e të flemë me të. Zbulimi i hershëm, na ndihmon t’ja këpusim kokën bishës së keqe”, – ka shkruar Aurela në ‘Instagram’. /revistawho.com
