Aurela Gaçe: Në “Kënga Magjike” s’kërkoj konkurrim, unë këndoj sepse frymoj

Fituesja e edicionit të kaluar të “Kënga Magjike”, ka vendosur të rikthehet sërish në këtë skenë. Këngëtarja Aurela Gaçe njoftoi fansat e saj se të dileën do të prezantojë këngën me të cilën konkuron sivjet në festivalin e Ardit Gjebreas. E siç vetëkuptohet, Aurela pos njoftimit sqaron edhe se nuk hyn në konkurrim për të fituar. “Nuk mund ta sqaroj me fjalë emocionin që më jep skena. Nuk kërkoj konkurrime… Kërkoj një mënyrë t’i jap jetës emocionin që më ngazëllen shpirtin. Të dielën kam vetëm një arsye pse këndoj… Sepse frymoj”, ka shkruar artistja ne Instagram. Më tej ajo nuk ka harruar të falenderojë kompozitorin Adrian Hila për këngën që i ka krijuar. Pas emrave që kemi dëfjuar deri më tani, me një Aurela që i bashkohet konkurimit, gara për çmimin e parë të këtij festivali duket që do të jetë e fortë.