Nëse ndihmojmë të gjithë njëri-tjetrin mund t’ia dalim. Ky është mesazhi që këngëtarja Aurela Gaçe ka dhënë në postimin e saj të fundit në ‘Instagram’.
Ajo ka publikuar disa foto të fëmijëve për të cilët ka bërë apel ndihme në llogarinë e saj dhe siç duket gjendja e tyre është përmirësuar së bashku me gjithë kontributin e individëve të cilët kanë zgjedhur të ndihmojnë.
“Miq nuk është kërkesë për ndihmë. Është falenderim që bëjnë familjet. Këtu në këtë faqe e kudo ku prindërit kanë mundur të kërkojnë ndihmë, thirrja e klithma e prindit ka arritur të dëgjohet nga ju e sot doja vetëm t’ju lajmëroja se fëmijët po ja dalin.”
Këngëtarja ka shtuar se ndihet shumë e lumtur për ecurinë e të gjithë fëmijëve dhe ka dashur ta mbyllë duke falënderuar të gjithë njerëzit që e kanë mbështetur në këtë nismë të veçantë.
Aurela ka mbështetur gjithmonë kauzat me vështirësi dhe ka qenë pranë çdo rasti i cili ka pasur nevojë për ndihmë duke dhënë kontributin e saj./revistawho.com
