Aurela Gaçe: Respekt e dashuri për nënat dhe gjyshet, heroinat e jetës

Duke qenë një nga këngëtaret më të dashura, ajo ka një ndikim shumë të madh në publikun e gjerë. Bëhet fjalë për Aurela Gaçen, e cila së fundmi ka postuar një status ku shpreh dashurinë e madhe dhe mirënjohjen që ka për gjithë nënat dhe gjyshet shqiptare, të cilat sipas saj janë heroina të jetës, duke qenë së në kohë shumë të vështira ia kanë dalë të rrisin disa fëmijë. Ja çfarë shkruan këngëtarja:
“Kam një pyetje.
Ore si i ja bënin ato gjyshet tona që bënin nga 10 e kusur fëmijë në kushte varfërie, edhe nuk i ndihmonte asnjë për të bërë drekën e darkën e për të larë e shpëlarë rrobat e shtëpinë?
Psh mbaj mend që gjyshja ime më tregonte se bënte gati turrën e druve në mal, i priste vetë, i lidhte, i ngarkonte në shpinë, ngrinte në krahë edhe një nga fëmijët e vegjël e ndërkohë këto i bënte ndërsa ishte shtatëzanë me barkun tek goja.
OK të mos iki aq larg, le të flasim për nënat tona….kush i ka ndihmuar ato psh të lidhin këpucet ndersa barku u rritej përditë në pritje të një fëmije tjetër?
Burri se besoj, vjehrra jo e jo.
Kur u dhimbnin këmbët, kush kujdesej për to? Nuk besoj se u ka bërë masazh dikush aty në shtëpi, pasi duhej të ishte në këmbë për punët e tjera.
Po ato të shkretat që merrnin lopatën që në mëngjes dhe ndërkohë që duhet të arrinin normën e ditës, mund të ishin të këputura, pa fuqi pasi ishin të fundit që kishin rënë në gjumë një natë më parë, e duke qenë shtatëzana, arrinin t’i bënin të gjitha. Edhe të pa ushqyera. Edhe të mos flasim për ndryshimet hormonale që të bëjnë të qeshësh e të qash njëherazi….kush do i ka kuptuar edhe nëse e kanë bërë?
Ndërsa ne ? Ne? Ehu ne….ne përkëdhelemi shumë eeeeeee. Gjithë familja syte tek ne….edhe sa na pëlqen ë? Me vitamina e me receta nga më të fundit…ehu ne.
Edhe ne ankohemi më shumë. Ato kurrë se bënin. Po edhe po ta bënin, kush i degjonte?????
Ehhhh gjyshet e nënat tona.
Heroina. Hero nuk quhet vetëm ai që jep jetën për atdheun. VETËM NJË MOMENT TË MENDOSH PËR ÇDO GJË KANË KALUAR NËNAT TONA, DHE ËSHTË E PAMUNDUR TË MOS NDJESH RESPEKTIN E DASHURINË MË TË MADHE PËR KËTO HEROINA TË JETËS.
AG
6 Tetor/2016