Young Zerka gjithmonë është cilësuar si një ndër këngëtarët më stil për shkak të muzikës së tij të veçantë. Pavarësisht se mund të duket se muzika ‘reggae’ është e vështirë për t’u kombinuar me një tjetër lloj muzike, Young Zerka ka treguar se në fakt edhe bashkëpunmiet me këngëtarë të tjerë mund të jenë shumë të suksesshme. Në repertorin e tij muzikor, ai numëron disa bashkëpunime kryesisht me Ronela Hajatin dhe një me Aurela Gaçen. “Pa kontroll”, bashkëpunimi i Zerkës me Gaçen është ndër ato këngë të fuqishme që pavarësisht humorit mund të të ngrejë direkt peshë dhe të bëj të kërcesh.
Por duket se Aurela përveç bashkëpunmit të tyre, i pëlqen të gjitha këngët e Zerkës. Madje njëra prej tyre ka arritur ta bëjë edhe krenare. Ajo ka publikuar në ‘Instagram’ një video, nëpërmjet së cilës ka treguar se në një dyqan në Stamboll dëgjohej kënga e Young Zerkës, “Like Rihanna”. Pas kësaj Aurela i ka thënë shitëses që me anë të ‘Shazamit’ të shikonte se e kujt ishte kënga në sfond. Pasi shitësja e zbuloi se kënga ishte e Young Zerkës, Aurela i ka treguar se ai ishte këngëtar shqiptar. Ky është një ndër ato momentet e bukura, kur artistët bëhen mbështetja më e madhe e njëri-tjetrit edhe në vendet e botës. /revistawho.com
https://www.instagram.com/p/BjMcXXcgoAc/?hl=en&taken-by=aurelagaceofficial
