Këngëtarja unike Aurela Gaçe sapo ka publikuar këngën e saj më të re, “Nënë e imja, nënë”. Me publikimin e kësaj perle të re në repertorin e saj, ajo ka zbuluar një “sekret” që i ka ndodhur gjatë xhirimeve. Aurela ka kujtuar prindërit e saj në momentin që ka lotuar dhe e ka patur të pamundur të vazhdojë me xhirimet deri në momentin që mblodhi veten.
“Do t’ju tregoj diçka gjatë xhirimeve. Kur xhiron, ti mund t’i kthehesh 10 herë një skene dhe sigurisht emocioni luhatet, ikën. Në strofën e tretë ku thuhet ‘E KUR TË LARGOHESH TË MOS JESH MË ATY, DO T’I LUTEM TOKËSQË TË FLASË ME TY’, thjesht mendova prindërit e mi… fatmirësisht i kam gjallë dhe mirë, por papritur përjetimi i vargjeve më mori me vete. Sytë filluan të më lotojnë. Qëndrova përpara kamerës duke menduar që është vetëm një moment. Për herë të parë ndërpreva xhirimin. 23 vjet në skenë dhe… më ndodhi. Qava…u qetësova, regulluam grimin dhe vazhduam. Faleminderit me shpirt bashkëpunëtorve Adrian Hila, Nexhi Pseraj dhe Max production që më dhatë çfarë doja nga kjo këngë”- shkruan Aurela Gaçe.
Aurela Gaçe tregon arsyen përse qau gjatë klipit të ri
