Gaz Paja dhe Ira Seferi i dhanë fund beqarisë ditën e djeshme. Dasma e tyre u kthye në kryefjalën e portaleve shqiptare dhe nga pamjet e publikuara, dukej se çdo gjë ishte e menduar në detaje. Përveç miqve dhe familjarëve, të ftuar kishte dhe shumë personazhe publike, kolegë të aktorit. Ndër to dhe Aurela Gaçe, e cila pavarësisht se ishte e ftuar si mikesha e Gazit, nuk mund të qëndronte pa kënduar disa nga këngët më të preferuara të shqiptarëve. Nëpërmjet një videoje në ‘Instastory’, këngëtarja shfaqet e rrethuar nga çifti dhe të ftuarit, duke kënduar këngën ‘Hajredin Pasha’, por në të njëjtën kohë ajo ka zbuluar një detaj që askush nuk e dinte. “Jam e ftuar si mikesha e Gazit, por s’mund të rrija pa i bërë qejfin nuses dibrane”, ka shkruar Aurela, duke zbuluar kështu se Ira është me origjinë nga Dibra. Dasma e Gazit dhe Irës erdhi pak kohë pasi çifti bëri publike lidhjen e tyre./revistawho.com
