Aurela Hoxha dhe Endrit Mërtiri nuk janë më miq? Fotografi: Është personale, nuk do e bëj publike

Endrit Mertiri dhe Aurela Hoxha nuk janë më miq? Ka qenë kjo pyetja që qarkulloi në media këto ditë, pasi modelja nuk e uroi dhe as nuk ishte në festimet e ditëlindjen së 27-të të mikut të saj më të mirë. Në media u aludua për një zënkë midis dy miqve. Fotografi, i ftuar në emisionin “Wake Up” në “Top Channel”, i pyetur për këtë çështje, nuk i pohoi por as i mohoi zërat që kanë dal mbi prishjen e marrëdhënies së tyre, duke e trajtuar si çështje personale dhe se nuk do ta ndajë me të tjerët.
“Mesazhet vijnë në vende të ndryshme. Nuk kam ndërmend të sqaroj njeri. Janë disa gjëra personale që unë zgjedh ti mbaj për vete. Edhe nëse do ta prishnim marrëdhënien, nuk do ta bënim publike. Mediat e ekzagjerojnë”-ka thënë Mërtiri. Ndërkohë Aurela ditë me parë ka shpërndarë në ‘Instagram’ video nga një vend i ngrohtë dhe me det ku duket se po kalon disa ditë pushimi.