Aurela Hoxha: Ja dhuratat që kam marrë për ditëlindje (FOTO) 

Aurela Hoxha, po e kalon në Javën e Modës në Milano, ditëlindjen e saj të 27-të… Dhe duket se po i shijon kështu. “Është ndryshe nga çdo ditëlindje që kam kaluar deri më tani… Nëpër sfilata, po ndoshta është më mirë kështu”, – thotë Hoxha në një komunikimin për ‘revistawho.com’, duke lënë të kuptohet se kjo ditëlindje e gjen në pasarelat që aq shumë i deshi që fëmijë. Sa i takon dhuratave, ende nuk janë mbledhur të gjitha, por Aurela e ka që tani një të preferuar. “Dhuratat vazhdojnë, do t’i numëroj pak më vonë. Por në krye të listës deri tani, qëndron ky fustan që e kam marrë dhuratë nga Endri, e që do ta vesh nesër në sfilatën e Dolce-s”, – rrëfen prezantuesja. Ajo e kaloi ditëlindjen e 27-të krah dy miqve të saj të zemrës, Endrit Mërtirit dhe Dorina Gegiçit, por sot gjatë pjesëmarrjes në sfilatën e “Cavalli”-t u takua edhe më një tjetër shqiptare, blogger-en e njohur Armina Mevlani, me të cilën ka gjithashtu miqësi.