Aurela Hoxha, në fushatën e “D&G”

Pas Armina Mevlanit, Aurela Hoxha është shqiptarja tjetër që bëhet pjesë e fushatës promocionale të “D&G Make Up”. Në profilin zyrtar të markës “Dolce & Gabbana” në ‘instagram’, është publikuar fotoja e Aurelës me nënshkrimin: “Këtë javë, projekti “D&G Woman Love Make Up” prezanton një tjetër grua të bukur siç është Aurela Hoxha, e cila ka zgjedhur një buzëkuq në të kuqe të thellë të linjës “Dolce Matte Lipstick”, penelin “Glam Liner” dhe lapsin e buzëve “Dolce & Gabbana” për look-un e saj “D&G Beauty”. Foto nga Endrit Mërtiri”. Duhet thënë që i vetmi emër i pandryshuar në këtë projekt, përveç produkteve “D&G” është edhe ai i fotografit Endrit Mërtiri, i cili ka shërbyer si trampolinë për suksesin e vajzave tona në firmën e famshme “Dolce & Gabbana”. Ndërkohë që duhet përmendur gjithashtu në këtë rast edhe emri i make up artist-es së njohur, Suela Çangu.