Aurela Hoxha: Nuk kam silikon në trup dhe nuk ndihem aq e bukur sa të mendoni se kam dalë nga ‘fabrika’  

Faqja ‘Vipat e Bllokut’ në ‘instagram’, që u bë e njohur për ‘numërimin’ e operacioneve plastike në fytyrat publike, ka publikuar së fundmi një koment të Aurela Hoxhës ndaj një ndjekëseje të saj ku thotë se nuk ka bërë asnjë operacion. Sipas faqes, Aurela është mashtruese, po lexojeni vetë komentin e saj: “Për fat të mirë nuk kam asgjë të silikonizuar në trupin tim dhe kuptoje që protezat nuk mund të ushtrohen me elektroda. Dhe një gjë të fundit, me të vërtetë kurrë nuk kam kuptuar pse ju dukem e çuditshme, pasi unë shoh pafund vajza me bel të hollë dhe fundshpinë të bukur. Gjithsesi t’u përgjigja, se u lodha duke ju fshirë e bërë ‘block’. Thjesht informohuni para se të komentoni, se sinqerisht nuk jam ndjerë kurrë kaq e bukur sa të mendoni që kam dalë nga ‘fabrika'”, – ka shkruar Aurela, e cila së fundmi mori vëmendjen e medias për pjesëmarrjen në shfaqjen e “Versace”, ku ishin të ftuar personazhe të famshëm nga e gjithë bota, përfshirë këtu edhe supermodele si: Irina Shyak e Gigi Hadid, me të cilat ajo realizoi foto.