Mbrëmjen e djeshme Aurela Hoxha ka qenë e ftuar emisionin “Ndryshe” ku ka folur rreth arsyeve që e kanë “detyruar” të linte Shqipërinë.
“Të them të vërtetën nuk e kam menduar se do të largohesha nga Shqipëria. Domethënë jam nga ato shqiptarët që thonë që ‘nuk dua të largohem, një javë pushime mërzitem’ e të gjitha këto. Po, u largova për dashurinë. Në fillim e kisha shumë të vështirë. Vij herë pas here.” tha Aurela.
E pytur se pse ka vendosur të mos jetë aq prezente në media si më parë Aurela tha:
“Unë e shikoj edhe shumë personale. Isha më e kujdesshme ndaj daljeve të mia. Edhe unë vetë personalisht kam ndryshuar me Shqipërinë. Tani më duket shumë e habitshme kur njerëzit më njohin e më shohin, sepse jam mësuar me jetën atje dhe nuk më bën përshtypje kjo pjesë. Kur jam në aeroport në Tiranë, që nga zbritja dhe që nga mënyra se si njerëzit reagojnë kur më shohin, them ‘në rregull, e paskëm harruar këtë pjesë’. Shqipëria çdo ditë është shumë më mirë dhe atje ku unë jetoj të gjithë flasin.” tha ajo.
Kujtojmë se Aurela Hoxha ka nisur një jetë të re në Spanjë, ku ka krijuar dhe një linjë me bikini.
