Pavarësisht se motra e saj, Aurela Gaçe, është më e njohur në Shqipëri, edhe Blerta nuk është një emër i padëgjuar për publikun shqiptar. Blerta njihet në Shqipëri si këngëtare, duke qenë se numëron disa këngë në repertorin e saj. Në fakt ajo ka eksperimentuar në disa fusha të artit dhe mund të themi se është një artiste shumëdimensionale. Më e vogla e motrave Gaçe prej shumë vitesh jeton në SHBA dhe duket se atje ka marrë një tjetër drejtim.
Duke qenë se Blerta ka ndjekur studimet për aktrim dhe teatër, ajo ka nisur punë si aktore teatri në New York. Sigurisht që kjo e bën krenare familjen e saj dhe më së shumti Aurelën. Këngëtarja ka treguar në ‘Instagram’ se ndihet shumë e lumtur që motra e saj arriti të bëjë realitet ëndrrën më të madhe, në vendin ku jo të gjithë ja dalin mbanë.
“Blerta, edhe njëherë motra nuk ishte në sallë të ndiqte nga afër një tjetër rol tëndin në teatër. Doja të isha jo thjesht për mbështetjen që jep familja, po për të ndjerë e prekur pasionin tënd më të madh, teatrin. Jam shumë krenare për ty motra ime… je e vetme mes New York-ut dhe lufta jote, këmbëngulja, puna jote, të përballuarit e jetës, jo të lehtë në emigrim, mua më bën të jem një motër krenare! Ishe shumë e vogël kur më tregoje se ëndrra jote ishte të aktroje në teatër dhe të shoh duke u bërë, unë gëzoj njësoj si të jem duke realizuar ëndrrat e mia. Të do motra shumë”, – ka shkruar Aurela. Motrat Gaçe kanë treguar se kanë një lidhje shumë të fortë dhe pavarësisht largësisë nuk ngurrojnë të shprehin publikisht dashurinë ndaj njëra-tjetrës. /revistawho.com
