Autorja e njohur e ‘Fifty Shades of Gray’, EL James ka botuar librin e saj të fundit të quajtur ‘The Mister’, një histori hirusheje e shekullit të 21 ku protagoniste është një vajzë shqiptare. Në qendër të historisë që tregon romani është një aristokrat britanik Maxim Trevelyan dhe pastruesja e tij e varfër, Alessia Demachi. Alessia është një vajzë e re, që dërgohet në Britaninë e Madhe nga gangsterët e vendit të saj, Shqipërisë për përfitime. Ajo arrin që të arratiset por dërgohet në fshat nga i fejuari i saj, një bandit, që kërkon ta bëjë ‘një grua tradicionale shqiptare’. Alessia detyrohet të martohet me të nga i ati, shkruan ‘The Telegraph’.
Kujtojmë që edhe në këtë roman si tek ‘Fifty Shades of Gray’, EL James është kritikuar për përshkrimin e marrëdhënieve ndërmjet çiftit. Lexuesit e kanë konsideruar të tepërt./revistawho.com
