Autorja më e shitur në gjithë botën, JK Rowling ka dhuruar 18.8 milionë dollarë për të mbështetur kërkimet shkencore për sklerozën multiple.
Ajo e ka bërë këtë dhurim në klinikën që ka marrë emrin e nënës së saj, Anne Rowling, e cila vdiq në moshën 45-vjeçare pas ndërlikimeve që erdhën si pasojë e sëmundjes.
Klinika për neurologjinë regjenerative, “Anne Rowling”, është themeluar në vitin 2010 po me donacion të autores së Harry Potter.
Skleroza Multiple është një nga sëmundjet më të njohura kronike të sistemit nervor.
Ekzistojnë disa të dhëna në retrospektivë, në bazë të shenjave të përshkruara nga mjekë të ndryshëm, se sëmundja ka ekzistuar nga koha e mesjetës, por përshkrimet e para të shkruara datojnë në vitin 1868 me përshkrimin e Charcot, një profesor shumë i njohur i Universitetit të Parisit. Pacientja e parë, e përshkruar prej tij klinikisht, u ndoq gjatë gjithë jetës së saj për shenjat e saj klinike dhe pas vdekjes u krye autopsia. Në këtë mënyrë për herë të parë u identifikua shkencërisht Skleroza Multiple (Skleroza me pllaka, sipas Charcot, bazuar në dëmtimet mikroskopike të trurit). Sëmundja mund të fillojë me një gamë shumë të gjerë shenjash, ku përfshihen çrregullimet e shikimit, mpirjet, çrregullimet e ecjes, ekuilibrit, paralizat e ndryshme motore etj./revistawho.com
