Dukagjin Lipa ka vendosur të flasë hapur për një nga temat që kohët e fundit ka bërë bujë në rrjet: fotot e Dua Lipës duke pirë cigare gjatë pushimeve. Babai i saj, muzikanti dhe frontmeni i grupit legjendar “ODA”, sqaroi se, ndonëse njerëzit mund ta shohin këtë si diçka negative, për të është një zgjedhje personale që nuk ndikon te performanca e saj.
“Dua nuk e pinë cigaren para koncertit. As alkool nuk pi, as cigare nuk pi – kur jemi në turne nuk pi. Kur është në pushim, pi”, u shpreh ai.
Ai theksoi se nuk e sheh të arsyeshme të gjykohet një artiste për vendimet e saj private, sidomos kur bëhet fjalë për një person të rritur dhe të pavarur. “Nuk e besoj që në shekullin 21 ka rëndësi nëse je shqiptar apo amerikan. Nëse vajza jote i ka 29-30 vjet, çfarë të drejte ke t’i thuash ‘pi’ ose ‘mos pi’?”, tha Lipa.
Deklaratat e tij erdhën pasi në rrjete sociale pati komente të shumta – nga habi deri te kritika – për fotot ku këngëtarja shihej me cigare, veçanërisht në mes të një turneu të madh botëror.
Në këtë mënyrë, Dukagjin Lipa jo vetëm që mbrojti vajzën e tij nga paragjykimet, por dha edhe një mesazh më të gjerë për respektimin e zgjedhjeve personale të artistëve.
