Anila Basha: Fjalia që më tha babai kur vuante nga kanceri më detyroi të bëja gjithçka që ta mbaja në jetë, të paktën 5 vite
Anila Basha, e ftuara e javës në ZëmeMirënPodcast ka bërë një rrëfim mbi jetën e saj.
Nga vitet e shkollës, universiteti dhe lotët e gëzimit kur fitoi gazetarinë, tek lotët nga dhimbja dhe trishtimi në kohën kur babai i saj u diagnostikua me kancer.
Anila Basha tregoi sesi u përpoq të zgjaste jetën e tij pas bisedës me të dhe fjalisë: Nila, unë dua edhe 5 vite jetë.
“Një nga rrugëtimet që vajta e mora me makinë në Lushnje, që e solla në Tiranë, e di si është puna, tha:
“Unë dua 5 vite jetë. M`u duk sikur isha përgjegjëse dhe e kisha unë jetën e tij në dorë. Duhet të bëja gjithçka që ta mbaja në jetë, të paktën 5 vite. Ç`pesë vite mo Teli? Ti do jetosh 100 vjet. Kjo gjë po ecën mirë. Shikoje si je, si azgan. Vjen tek unë, vjen në punë. Vinte në fakt. Mbas çdo kimioterapie që mbaronim, e çoja. Kam bërë një gjë. Për t`i zgjatur këtë kohë. Për t`i mbajtur premtimin. Se unë nuk e dija sa do shkonte kjo kohë, pavarësisht se ajo vajti vërtet 5 vjet. Mund të ikte edhe pas 1 viti. Varej se si do evolonte sëmundja dhe sesi do ta përballonte trupi. Nuk kishte fundjavë që unë nuk e merrja mamin dhe babin dhe kemi shëtitur gjithë Shqipërinë”, tha Anila Basha.
Podcastin e plotë e gjeni në YouTube: