Ka qenë padyshim një nga lajmet që ka bërë më tepër bujë gjatë këtyre ditëve, e në fakt jeta personale e reperit të njohur shqiptar, Rigels Rajku i njohur nga të gjithë si Noizy përbën gjithnjë kërshëri. Para disa ditësh u publikuan nga faqja “Vipat e Bllokut” një sërë mesazhesh të shkëmbyera mes tij dhe balerinës Kristjana Saxobeat në Viber. Në një intervistë për gazetën Express, 18-vjeçarja rrëfen të vërtetën e mesazheve të publikuara e marrëdhënien e saj me reperin. “Ato biseda kanë qenë thjesht biseda humori midis dy miqve, asgjë më shumë. Nuk e di saktësisht ku i kanë marr këto mesazhe por që jam e sigurt nga ndonjë “shoqja” ime. Marrëdhëniet tona kanë qenë shoqërore, na ka lidhur puna dhe asgjë më shumë. Më vjen shumë keq, që nga pakujdesia ime ndodhën këto. Për të qenë e drejtë ky është cënim privatësie dhe gjë që nuk ta fal kush, por ai është shumë njeri i mirë dhe nuk përkeqësoi gjendjen por ndenji në heshtje. I kërkoj falje publikisht për këtë që u krijua nga unë dhe pse pa dëshirën dhe dijeninë time”, ka sqaruar balerina.
