Opinionistët e Big Brother Albania VIP, Arbër Hajdari dhe Balina Bodinaku ishin të ftuar në “Wake Up”, ku folën për ftesën që iu bë dhe tundimin që kishin për të bërë diçka ndryshe në karrierën e tyre.
Balina rrëfeu se personi i parë që telefonoi ishte drejtori i bankës ku punon, për të marrë aprovimin e tij dhe më pas të merrte vendimin përfundimtar. Ajo u shpreh se nuk është punë e vështirë, por duhet të jenë korrekt që të mos gjykojnë asnjë prej banorëve VIP që janë të izoluar në shtëpinë më të famshme në Shqipëri.
“Pata një moment refleksioni. Më duhet të kuptoja se për çfarë bëhej fjalë. E kisha me dyshim për shkak se nuk e ndjeja veten si pjesë e kësaj gjëje. Nuk mendoja se më përkiste. E pyeta se si i shkoi mendja tek unë. Më dha disa arsye që më bëri qejfin. Tundimi për të bërë një gjë të re ishte i madh’, u shpreh ajo
Pyetur sesi ndihen me njëri-tjetrin dy opinionistët, Arbri dhe Balina dhe nëse e kanë gjetur kiminë, Balina tha: “Mua mu bë qejfi kur pashë që ishte Arbri. Të parit që i kam shkruar ka qenë drejtori në bankë. Ishte dhe një shpresë për të shkarkuar përgjegjësinë time. Nëse do më thoshte jo, do isha më komode. E kisha lënë të takohesha me Arbanën një ditë më pas dhe duhet ta kem “po” ose “jo” nga drejtori duke qenë se është impenjimi im primar. Unë mendoj që nuk është shumë e vështirë, ka përgjegjësi për të qenë sa më korrekt se është një fije e hollë që e ndan mendimin dhe gjykimin. Mundohem ta mbaj deri në fund gjykimin dhe vlerësimin. Shpresoj që ta kuptojnë që është një lojë në fund të ditës”.
Në lojë për çmimin e madh janë 14 banorë, por pritet që në vijim të ketë surpriza e pse jo edhe hyrje të reja në shtëpinë e “Big Brother Vip”.
