Një shprehje e vjetër thotë se flokët janë gjysma e bukurisë. Shpesh për t’u dukur gjithmonë bukur, vajzat eksperimentojnë me modele të ndryshme. Mjafton një detaj në flokë për të ndryshuar të gjithë pamjen. Zakonisht për të sjellë një pamje të re dhe për t’u dukur ndryshe vajzat zgjedhin t’i presin flokët me baluke. Baluket duan një kujdes të veçantë, megjithatë ato duken shumë bukur në fytyrat që e pranojnë një prerje të tillë. E rëndësishme është që nëse vendosni t’i prisni flokët me baluke është e sigurt që të gjithë do të surprizohen. Nëse nuk jeni të sigurt se baluket ndryshojnë krejtësisht pamjen, gaboheni! Këtë e kanë vërtetuar shumë mirë personazhet e njohur të ‘showbiz’-it, prandaj më poshtë mund t’u hidhni një sy fotove të tyre dhe të kuptoni përfundimisht se me një prerje balukesh mund të bëni ndryshim drastik në ‘look’. /revistawho.com
