Bamirësia bashkon Odeta Nishanin me Emina Çunmulajn

Zonja e Parë Odeta Nishani një pjesë jo të vogël të kohës dhe angazhimit të saj ja kushton prej vitesh bamirësisë. Mirëpo ajo ka gjetur edhe një “shoqe” që është e gatshme të japë kontribut. Bëhet fjalë për modelen shqiptare me famë botërore Emina Çunmulaj. Modelja ndodhet këto ditë në Tiranë dhe sigurisht paratë nuk i mungojnë. Kujtojmë se ajo sapo është martuar me multimiliarderin e Los Angeles-it, Sam Nazarian. Emina është takuar me znj. Nishani dhe të dyja kanë biseduar për një kauzë bamirësi, mbi të cilën me siguri do të dëgjojmë të flitet së shpejti.