Edicioni i katërt i “Big Brother VIP” ka sjellë momente të paharrueshme dhe emocione të forta edhe pse ka fare pak që ka nisur. Një prej këtyre momenteve ishte deklarata e Bernardit gjatë Prime-it, ku ai shprehu hapur qëndrimin e tij përballë komenteve dhe situatave që, sipas tij, synonin të cenonin identitetin e tij.
“Nuk lejoj askënd që të më ulë krenarinë e të qenit një mashkull homoseksual,” tha Bernardi me vendosmëri.
Deklarata e tij ka shkaktuar reagime të shumta në publik dhe në rrjetet sociale. Shumë ndjekës e kanë mbështetur për guximin dhe sinqeritetin që ka treguar në një platformë të tillë. Kjo deklaratë është vlerësuar si një mesazh i fuqishëm për përfaqësimin dhe mbështetjen ndaj komunitetit LGBTQ+.
