Banorja e Big Brother VIP në Kosovë tregon për këshillat që sipas saj, i dha Luizi para se të hynte në shtëpi.
Një nga banoret e “Vëllait të Madh” në Kosovë thuhet se ka vendosur t’i shkruajë për të kërkuar këshilla mbi përvojën e tij dhe për të mësuar “sekretet” e fitores.
Bëhet fjalë për Gresën, e cila së fundmi ka zbuluar se i kishte dërguar një mesazh këngëtarit dhe se ai, sipas saj, i ishte përgjigjur brenda pesë minutave duke i dhënë disa këshilla të sinqerta.
“Para se të hyja në shtëpi, mendova t’i shkruaja Luizit në Instagram dhe ta pyesja nëse kishte ndonjë këshillë për mua. I dërgova një mesazh nga llogaria ime personale, ku kam disa foto provokative, dhe nuk vonoi shumë që të më kthente përgjigje”, tregoi ajo, duke shtuar se Luizi i shkruajti:
“Përshëndetje. Së pari, nuk të njoh dhe nuk e di çfarë tipi je. Së dyti, nuk të këshilloj të hysh, pasi nuk ke mjaftueshëm përvojë për një vend të tillë. Së treti, nëse hyn, do dalësh pas dy ditësh. Së katërti, fotot provokative që ke në profil të dëmtojnë direkt. Së pesti, edhe fotot luksoze mund të të krijojnë probleme.”
