Barack dhe Michelle Obama kanë festuar ditën e sotme 27-vjetorin e martesës së tyre. Në një moment special si i sotmi, ish-zonja e parë ka zgjedhur t’i dedikojë fjalët më të ndjera bashkëshortit të saj, me anë të një postimi në rrjetet sociale.
“27 vite më parë ky djalë më premtoi një jetë plot me aventura. Mund të them se ai ja ka arritur. Kjo është për kapitullin tonë tjetër, për të zbuluar çfarë ka më shumë. Ndërsa e ndjej akoma magjinë që na bëri bashkë kaq vite më parë. Gëzuar përvjetorin Barack”, ka shkruar Michelle në foton krah ish-presidentit të Shteteve të Bashkuara të Amerikës. Ashtu si çdo herë tjetër ndjekësit e ‘zjarrtë’ të dyshes Obama kanë komentuar pozitivisht, duke e cilësuar çiftin si një ndër të preferuarit e tyre për shkak të transparencës që ata kanë treguar edhe në publik.
Prej kohësh Michelle ka qenë në qendër të mediave rozë jo vetëm për shkak të dedikimeve ndaj partnerit të saj, por dhe stilit mjaft modern me të cilin është shfaqur./revistawho.com
