Pas më shumë se pesë dekadash marrëdhënie me stilisten legjendare Diane von Fürstenberg, Barry Diller ka vendosur të ndajë publikisht një të vërtetë personale: ai është homoseksual. Në një fragment nga artikulli i tij autobiografik, biznesmeni foli për kompleksitetin e dashurisë së tyre dhe identitetin e tij seksual.
“Ne nuk jemi vetëm miq. Thënë thjesht, ishte një shpërthim pasioni që zgjati me vite. Po, mua më pëlqejnë burrat, por kjo nuk bie ndesh me dashurinë time për Dianën,” shkruan ai.
Diller dhe Fürstenberg u takuan për herë të parë në vitin 1974, në një kohë kur ai kishte pasur vetëm marrëdhënie me burra. Stilistja ishte gruaja e parë në jetën e tij. Edhe pse marrëdhënia e tyre romantike përfundoi për një kohë në vitin 1981, ata rifilluan lidhjen në 1991 dhe u martuan në vitin 2001, duke kaluar mbi 50 vjet bashkë në një lidhje që sfidoi format klasike të dashurisë dhe seksualitetit.
“Nuk e kam vënë kurrë në dyshim seksualitetin tim (thjesht kisha frikë nga reagimet e të tjerëve). Por në romancën time me Dianën nuk kam dyshuar kurrë se impulset biologjike heteroseksuale ishin po aq të forta sa ato homoseksuale,” vijon ai.
Në rrëfimin e tij, ai thekson edhe natyrën e lëngshme të identiteteve në ditët e sotme:
“Identitetet janë shumë më fluide dhe natyrale, pa këto kufij të përcaktuar në mënyrë strikte të shekullit të kaluar.”
Duke reflektuar mbi lidhjen me Dianën, Diller e përshkruan si një eksperiencë që tejkalon logjikën dhe përkufizimet tradicionale të dashurisë:
“Një marrëdhënie që filloi me indiferencë, më pas shpërtheu në një romancë po aq të natyrshme për ne sa frymëmarrja, duke na habitur si neve ashtu edhe të gjithë të tjerët. Është vërtet mrekullia e jetës sime.”
Nga ana e saj, Diane von Fürstenberg e ka cilësuar marrëdhënien e tyre si një “mrekulli” dhe “themelin” e jetës së saj, duke e konsideruar bashkëshortin e saj një nga njerëzit më të rëndësishëm në jetën dhe karrierën e saj.
