Stresi është bërë një prej personazheve më të komentuar në shtëpinë e “Big Brother VIP Kosova”. Ai ka folur për jetën e tij, duke u ndalue së fundmi edhe te sherri e më pas pajtimi mes tij Noizy-t.
“Me e taku afër Zinin ke me e ndryshu 300% mendimin. Na kanë gjykuar shumë në fillimet tona. Ne kemi hyrë për dikë tjetër në sherr, tani kur hyn për dikë tjetër. Sherri ka degraduar, edhe ishte koha ‘beef’-a ky tjetri iki unë mbeta në të. Nuk kemi folur për 11 vjet me Noizyn. Hiç hiç. Atë kohë ka pasur shumë ofendime prej të dy palëve. Ne nuk krenohemi por shyqyr Zotit që kjo ishte adoleshenca dhe unë ju them njerëzve edhe kur jemi pajtuar ne janë gëzuar pafund njerëzit. Të gjithë ata njerëz që janë gëzuar kanë dashur të na pajtojnë më shpejt”, tha ai.
Por a do të kenë një bashkëpunim së bashku?
“Nuk mund të flas për këtë pjesë. Realisht për këtë gjë nuk mund të flas, e kam tepër sekret”.
