Prej disa ditësh në portale të ndryshme online qarkullon lajmi për një bashkëpunim muzikor mes reperave Noizy dhe Ledri Vula. Por i kontaktuar nga revista Who për më tepër detaje, menaxheri i Vulës, Faton Shoshi, shprehet se nuk ka asgjë të vërtetë rreth këtij bashkëpunimi dhe se janë të gjitha spekulime mediatike. “Ata tani janë pajtuar dhe janë miq të mirë, mirëpo nuk është folur për asnjë bashkëpunim. Këto janë spekulime mediatike,”-thekson Shoshi për revistën Who. Pas një kohe të gjatë zënke mes Noizyt dhe Ledrit duket se ata i kanë sheshuar mosmarrëveshjet duke u kthyer tashmë përveçse kolegë edhe në miq.
