Blero është baba i një vajze të vetme, Tarës, e cila duket e vendosur për të ndjekur hapat e të atit. Këngëtari na ka treguar shpesh se vogëlushja e ka pasion muzikën, që siç duket do ta kthejë në profesion. Tara është vetëm 8 vjeçe, por shumë shpejt do të publikojë albumin e saj të parë muzikor. Këtë lajm këngëtari e ka ndarë me krenarinë më të madhe me të gjithë ndjekësit e tij në ‘Instagram’. Blero ka publikuar një foto të vogëlushes duke punuar në një studio muzikore dhe sigurisht që edhe ai vetë ishte i pranishëm. “Duke regjistruar albumin e saj të parë. Sigurisht i prodhuar prej meje”, ka shkruar Blero bashkangjitur postimit.
Me këtë rast mund të kemi ndoshta edhe një bashkëpunim të parë muzikor të këngëtarit me vajzën e tij. Jo më kot thonë se genet dhe pasionet e babait trashëgohen edhe tek vajza dhe Blero me Tarën janë shembulli më i mirë. /revistawho.com
