Analisti dhe gazetari i njohur, Baton Haxhiu ka qenë i ftuar në një intervistë në ‘Pushime On Top’ si asnjëherë më parë me Ori Nebijaj. Ndjesitë, pushimet, por dhe çështjet politike ai i ka shprehur në bregdetin e jugut, ku po kalon disa ditë pushimi.
I pyetur nga Nebijaj lidhur me një nga çështjet që ka tërhequr vëmendjen e të gjithë mediave, dorëheqjen e Haradinaj Batoni pohoi se sipas tij ky është një kurth politik antishtetëror, megjithatë ai vazhdoi duke pohuar se është pro bashkimit të Shqipërisë me Kosovën në një shtet të vetëm.
Ndërsa për marrëdhënien me kryeministrin e Shqipërisë në ‘Pushime On Top’, Batoni tregoi se me Ramën janë miq. “Unë me Ramën jemi miq. Debatoj me të, është shumë i vështirë, por edhe një politikan shumë i guximshëm dhe me shije. Nuk më pëlqen kur kap telefonin në tavolinë dhe shkruan vazhdimisht kur kam mysafirë. E di natyrën e Ramës dhe merremi vesh, por është shndërruar në ‘whatsapp’ kryeministër. Është natyrë e shkrimtarit ai dhe unë besoj që më projektimin politik e ka brenda shkronjave, ndaj ndonjëherë e bën egoist, arrogant, për arsye se nuk bën kompromise”, vijoi të përgjigjet Haxhiu lidhur me raportin me kryeministrin.
Ndër të tjera ai shtoi se nuk e shqetësojnë aspak komentet negative me të cilat haset për shkak të profesionit të tij, megjithatë i vetmi problem që i krijohet është se si do e përjetojnë fëmijët e tij dhe se si shkojnë tek ta këto komente./revistawho.com