Nisja e “Big Brother VIP Albania 5” nuk ka ndezur vetëm ekranin, por edhe motorët e kërkimit në internet. Interesi i publikut është reflektuar qartë në Google, ku emisioni ka dominuar kërkimet në ditët e para të transmetimit.
I ftuar në emisionin “Live From Tirana”, eksperti i IT-së Ardit Gavani ka ndarë të dhëna konkrete mbi sjelljen online të shqiptarëve dhe ndikimin që ka reality show më i ndjekur në vend. Ai theksoi se statistikat janë lehtësisht të verifikueshme dhe tregojnë qartë se kurioziteti është në rritje që në fillim të sezonit.
Sipas tij, termat më të shpeshtë të kërkuar lidhen drejtpërdrejt me formatin dhe transmetimin live të programit:
“Janë statistika që i kërkon dhe mund t’i gjesh. Është interesante sepse është në fillim dhe mund të shohësh ku është interesi. Termat e kërkimit janë; BBVIP Albania 5, Big Brother VIP Live, që janë pakashumë të njëjtat.”
Jo vetëm termat, por edhe zonat gjeografike kanë dhënë surpriza. Gavani zbuloi se qytetet me interesin më të lartë nuk janë domosdoshmërisht ato që priteshin:
“Zonat me më shumë shikueshmëri janë Elbasan, Dibër, Lezhë, Tiranë, Korçë. U çudita në fakt që Tirana nuk ishte në vend të parë por ishte Elbasani. Pastaj vazhdonin me Shkodër, Durrës, Fier, Vlora. Vlora është në vend të nëntë, ndërsa Tirana është në vend të katërt.”
Sa i përket banorëve që kanë ngjallur më shumë interes individualisht, Google ka dhënë një renditje të qartë që në ditët e para të spektaklit:
“Nga personazhet më të kërkuar në Google, numri një ishte Sabina Mete, nga interesi deri tani, personazhe që lidhen me termin BBVIP5. Në vend të dytë ishte Armir Shahini, dhe Kristi Lamaj në vend të tretë”.
