Beatrix dhe Anxhelina e ‘djegin‘ në ditëlindjen luksoze të Neymar

Futbollisti Neymar më datën 5 shkurt mbush 28 vjeç, e megjithatë festimet për ditëlindjen i ka filluar që disa ditë më parë. Ditën e djeshme ai kishte organizuar një festë të madhe, në një lokal afër kullës Eiffel dhe për të gjithë të ftuarit kishte vendosur një kod veshje. Për të shkuar në festën e Neymarit, të gjithë duhet të visheshin me të bardha. Kjo gjë ishte respektuar nga të gjithë përfshirë dhe dy kushërirat bukuroshe shqiptare Beatrix Ramosaj dhe Anxhelina Hadergjonaj të cilat nuk nguruan të publikonin në Instastory momente nga festa. Vajzat ishin të ftuara speciale në ditëlindjen e yllit të futbollit. Kujtojmë se ato janë shoqëruar dhe herë të tjera me Neymar dhe mesa duket janë miq të mirë.