Këngëtarja e njohur Beatrix Ramosaj ka qenë një ndër të ofenduarat nga Ledion Liço në eventin muzikor “Top Awards”. Ajo reagoi dje paradite përmes një statusi të gjatë në ‘instagram’ ku tha se ndihej e fyer si femër nga moderatori Liço, i cili i përmendi asaj virgjërinë.
Por debati ka vazhduar gjatë gjithë ditës. Beatrix, në mbrëmje ka shkruar një koment në statusin ironik të prezantueses Xhemi Shehu në ‘instagram’.
xhemi.shehu: Epo paske qenë sh tip i qetë që s’reagove kurrë për gjithë ato ‘Oscars’ të humbur #pakarakter
beatrixramosaj: E di që ke një vajzë, ta kesh me jetë, më shkruaj kur të jetë 20 vjeç dhe t’ia diskutojnë virgjërinë palaçot për disa shikues më shumë. Nëse je akoma me këto mend do më vijë keq për ty. Klm
Në fakt komentuesit në Instagram i kanë kujtuar këngëtares se Xhemi nuk ka vajzë, por dy djem. Ky detaj sigurisht nuk e ndryshon qendrimin e saj. Batuta e Ledionit e ka prekur jashtë mase këngëtaren Beatrix Ramosaj. /Opinion.al
