Bebe Rexha, Dua Lipa, Rita Ora janë tre këngëtaret me origjinë shqiptare që na bëjnë të ndihemi shumë krenarë, sepse artistët me talentin e tyre dinë ta përfaqësojnë më së miri vendin. Të treja këngëtaret kanë korrur shumë sukses sidomos në Amerikë dhe në Britani. Përpara disa kohësh Dua Lipa u cilësua si femra me albumin më të mirë për vitin 2017 dhe ka marrë pesë nominime në ‘British Awards’. Ndërsa së fundmi këngëtarja tjetër, Bebe Rexha, ka njoftuar fansat e saj se është cilësuar nga platforma muzikore ‘iTunes’ si këngëtarja femër e cila ka shitur më shumë këngë për vitin 2017 në Amerikë. Ajo që vihet re është se Bebe ndiqet pas nga disa nga këngëtaret më të famshme si: Taylor Swift, Camila Cabello dhe Kardi B.
