Bebe Rexha ka pasur një lidhje të drejtpërdrejtë me fansat e saj përmes rrjeteve sociale. Këngëtarja i është përgjigjur disa pyetjeve të adhuruesve, mes tjerash edhe për prejardhjen e saj. “Po unë jam shqiptare dhe jam krenare për këtë”, tha Bebe përmes një lidhjeje direkte në ‘Facebook’, transmeton Telegrafi. Madje për ta dëshmuar këtë bëri edhe shqiponjën me duar, ndërsa tregoi se preferon edhe ushqimin tradicional shqiptar. Ajo më tutje tregoi se është duke përgatitur për projekte të reja, të cilat do t’i publikojë gjatë muajve të ardhshëm.
