Këngëtarja shqiptare me famë botërore, Bebe Rexha përmes një video të shpërndarë në InstaStory ka thumbuar gjininë mashkullore, duke folur për konceptin e “vajzës së butë” dhe sfidat që vijnë me këtë periudhë.
Në videon e postuar, Rexha ka shprehur mbështetje për djemtë që lidhen me anën e tyre femërore, duke thënë: “Dëgjo, unë e mbështes që djemtë të jenë më të lidhur me anën e tyre femërore, e di, më pëlqen kjo për ju”.
“Por është e vështirë të jesh në periudhën tënde të vajzës së butë, e cila mendoj se të gjithë duam të jemi tani në periudhën e vajzës së butë. Të paktën unë dua, por është si kur të gjithë djemtë janë në periudhën e vajzës së butë, ndjehem sikur duhet të jem dhe djalë dhe vajzë në të njëjtën kohë”, tha ajo.
