Pak muaj më parë skandalet seskuale në ‘Hollywood’ u kthyen në një nga diskutimet kryesore në mbarë botën. Disa aktore dolën dh folën hapur kundër producentëve që kishin abuzuar seksualisht me to. Ndër këto aktore femra, ishte dhe shqiptarja Eliza Dushku, e cila pas shumë vitesh tregoi historinë e saj tronditëse. Kësaj radhe një tjetër shqiptare shumë e njohur ka dalë e ka folur hapur. Këngëtarja Bebe Rexha, me anë të ‘Twitter’ ka bërë të ditur se producenti i njohur me emrin, Detail, ka provuar të abuzonte seksualisht me këngëtaren me origjinë shqiptare në fillimet e saj në muzikë.
Ajo ka publikuar një artikull në të cilin shkruhet se dy artiste Kristina Buch dhe Peyton Ackley kanë akuzuar producentin në fjalë për abuzim seksual. Pas kësaj Bebe ka zbuluar se dhe ajo është e përfshirë në këtë ngjarje.
“E lumtur që këto femra folën. Është e frikshme. Ai provoi të bënte të njëjtën gj me mua, por unë vrapova menjëherë nga studioja muzikore. Është shumë e frikshme për femrat të dalin dhe të flasin hapur. Këto femra janë të forta. Ai provoi të bënte të njëjtën gjë me mua kur isha një artiste e re.”, – ka shkruar ajo në ‘Twitter’. /revistawho.com
