Para se këngëtarja me origjinë shqiptare, Bebe Rexha të bëhej e famshme, ka punuar për emra të njohur të muzikës. Ndër ta është edhe këngëtarja Rihanna për të cilën ka shkruar tekstin e këngës “The monster”. Në një intervistë për “Good Morning Britain”, Bebe ka treguar se një vit para se të bashkëpunonte me Rihanna-n, i ka shitur asaj një parfum në një qendër tregtare.
“Duket qesharake, por i kam shitur parfum Rihanna-s. Ajo erdhi në qendrën tregtare, ku unë punoja, kishte vënë buzëkuq të kuq dhe mbante syze. As nuk e kisha idenë që një vit më vonë do të shkruaja këngën e saj numër një. E ndryshoi jetën time totalisht”, -është shprehur Bebe.
Tanimë Bebe ja ka dalë të këndojë këngët që shkruan vetë pa ju dashur të ‘fshihet’ pas artistëve të tjerë./revistawho.com
