Bebe Rexha është një nga artistet më të pëlqyera, e cila ndër vite ka sjellë bashkëpunime me emra shumë të njohur të showbiz-it. Pavarësisht kësaj, fillimet e karrierës nuk kanë qenë aspak të lehta për të. Ditën e sotme, Bebe ka publikuar disa foto në “Instastory” ku ka zbuluar se si ka qenë refuzimi i parë për të në fushën e muzikës. “E mbaj mend kur mamaja më lexoi këtë ‘e-mail’. Më theu zemrën. Ishte një mënyrë e bukur për të thënë jo”, ka shkruar këngëtarja shqiptare, duke zbuluar më pas ‘e-mailin’ i cili shkruante se do mbeteshin në komunikim të vazhdueshëm për të dëgjuar projekte të reja nga ajo. “Mos lejoni një ‘jo’ t’ju ngadalësojë hapin. Ndoshta nuk është koha e duhur. Ndoshta është diçka tjetër duke më e mirë për ju”, ka vazhduar ajo duke iu drejtuar ndjekësve të saj. Bebe gjithmonë mundohet të tregohet e sinqertë me fansat e saj, duke e përdorur kështu famën e saj për të shpërndarë pozitivitet./revistawho.com
