Bebe Rexha është një nga personazhet e famshme që gjithmonë mundohet të japë shembullin e mirë tek femrat që kanë probleme me trupin e tyre. Gjatë muajit janar, në periudhën kur Bebe u nominua për 2 çmime ‘Grammy’, ajo zbuloi se disa stilistë refuzonin të punonin me të për shkak të peshës. Gjatë kësaj kohe, këngëtarja shqiptare mori mbështetje nga shumë kolegë, megjithatë së fundmi ajo është shprehur se është lënduar shumë nga kjo situatë. “E dua trupin tim, jam një vajzë me forma. Unë u nominova për 2 çmime ‘Grammy’. Ishte momenti im, prindërit e mi ishin shumë të lumtur dhe unë isha shumë emocionuar të vishja diçka të bukur, të ndihesha si princeshë. Pastaj, mora atë mesazh dhe vërtetë që m’u thye zemra. Duhet të thoja diçka patjetër”, është shprehur Bebe. Megjithatë, kjo situatë nuk ndryshoi asgjë tek ajo. Bebe ende vazhdon ta dojë trupin e saj dhe kërkon që të gjitha vajzat të ndihen në këtë mënyrë./revistawho.com
