Ajo është një nga shqiptaret më popullore në botë, prej talentit dhe pasionit që ka provuar për muzikën dhe në 9 Shtator pritet që të performojë në Tiranë.
Sot jeton në New York dhe ka arritur majat e karrierës muzikore me hitet e publikuara. Por kush është Bebe Rexha dhe cili është rrugëtimi i saj drejt suksesit?
Bebe filloi të këndonte kur ishte vetem 4 vjeç. Ajo është me prejardhje nga Dibra e Madhe.
Kujtojmë që Bebe ka qënë vokalistja e grupit mjaft të njohur “Black Cards”.
Bebe shquhet edhe si kompozitore dhe ka shkruar këngë për artistë të njohur si Selena Gomez. Kompozimi i saj “The Monster” është përfshirë në albumin e ri të Eminem – MMLP2, i cili do e sjellë këtë këngë në bashkëpunim me këngëtaren e njohur Rihanna.
Bebe Rexha komplimentohet nga kritika për zërin e saj me shumë stil, por edhe për aftësinë për të realizuar hite për artistët e tjerë.
Për ata që këngët e Rexhës i kanë në listën e të preferuarave, e premtja është mundësia për ti shijuar ato live në Sheshin Nënë Tereza, ku Rexha do të performojë./opinion.al
