Bebe Rexha ka arritur një tjetër pikë kulmore në karrierën e saj! Këngëtarja shqiptare me famë ndërkombëtare është pozicionuar në vendin e parë në listën e 100 këngëve më të dëgjuara country të shekullit 21, sipas renditjes së fundit të Billboard.
Kënga “Meant To Be”, një bashkëpunim me grupin Florida Georgia Line, ka triumfuar si më e dëgjuara, duke lënë pas disa nga emrat më të njohur të muzikës country. Kjo arritje e konsolidon më tej suksesin e Rexhës përtej zhanrit të pop-it, aty ku ajo nisi rrugëtimin drejt famës globale.
Vetë artistja ka ndarë lajmin me ndjekësit e saj në Instagram, ku ka postuar renditjen zyrtare të Billboard dhe ka shprehur emocionet për këtë moment: “Meant To Be” renditet në vend të parë në listën e 100 këngëve më të mëdha country të Billboard të shekullit të 21-të. WOW. Nuk e kisha menduar kurrë që do të përfundoja në listën e këngëve më të mëdha country të të gjitha kohërave.”
Lista është përpiluar mbi bazën e të dhënave të performancës në tabelën Top Country Songs për periudhën 2000–2024. Prania e një shqiptareje në majën e kësaj renditjeje përfaqëson jo vetëm një sukses individual, por edhe një moment historik për përfaqësimin shqiptar në muzikën ndërkombëtare.
Një tjetër arritje që dëshmon se për talentin dhe pasionin, nuk ka kufij!
